Full-Time Kaitohutohu Matua Māori

NOTE: This job listing has expired and may no longer be relevant!

Job Description

Ko te reo rāhiri tēnei te rere atu nei, nau mai ki ahau, ki Te Tūāpapa Kura Kāinga (Te Tūāpapa), hei pou mō tēnei whare whakaruruhau.

• Tautokona tā mātau whāinga kia whanake mai tēnei whakahaere e tika ai te hāpai i Te Tiriti.
• Hāpaitia ngā kaimahi kia whakapiki i te mōhio me te kaha ki te whakamahi i te reo me ngā tikanga.
• Āwhinatia mai te whakatūnga o tētahi kāhui kaimahi Māori pakari nei e tutuki ai te whai i ngā ara kaupapa Māori mā roto i te mahi tahi ki ngā iwi me ngā Māori.

Mō mātou

He kāhui hou a Te Kāhui Kāinga Ora (te kāhui e aro atu ana ki ngā take whare mō Ngāi Māori) i whakatūngia ai ki roto i Te Tūāpapa. Ko Te Kāhui Kāinga Ora te kaitohutohu Māori matua e tohutohu ana i te Kāwana mō te whakatū whare me te whakatū tāone. Ka mahi ngātahi te kāhui me ngā hoa kōtui matua, tae atu ana ki ngā iwi me Ngāi Māori e tutuki ai ngā wawata o ngā whānau Māori.

Ko Te Maihi o te Whare Māori (MAIHI) te anga matua i ā mātau mahi. He anga tēnei hei ārahi i a mātau ko tēnei whakahaere ki te urupare, ki te arotake, ki te whakahou hoki i te pūnaha whare e ea ai ngā hiahia me ngā wawata o Ngāi Māori. He anga tēnei e kaha ake ai te aro ki ngā whānau me ngā hapori Māori e tika ana kia āwhinatia, ā ka āki tēnei i tā mātau whirinaki atu ki ngā hoa kōtui me te whai i tētahi huarahi kaupapa Māori i roto i te haumi me te whakarite kaupapa here mō ngā take whare.

 Mō te tūnga

Kua whakatū a Te Kāhui Kāinga Ora i a Te Tautiaki, he rautaki, he mahere mahi, hei tautoko i ō mātau kaimahi ki te whakamahi i a MAIHI i roto i ā rātau mahi, ā, ki te tautoko hoki i tā mātau whāinga kia whanake mai a Te Tūāpapa Kura Kāinga e tika ai te hāpai i Te Tiriti.

Kua whati te tai e wātea ai tētahi ki te tautoko i te whakatinanatanga o tētahi rautaki matua me te kōkiri i ētahi hōtaka mahi ā tutuki noa.

Mā tō aro ki te whakawhanake i ngā āheinga Māori puta noa i Te Tūāpapa Kura Kāinga, ka whakawhanake koe i te āhenga o tēnei whakahaere ki te mahi tahi ki ngā hoa kōtui i raro i Te Tiriti, me ngā hapori whānui.

E ono ngā hōtaka mahi hei whakaū, tae atu ana ngā mahi ki te whakaū i tētahi Mahere Reo Māori, i te whakapikanga o te mōhio ki ngā tikanga Māori, me te mahi tahi ki ngā kaimahi e mōhio ai ki te ara e noho ai te whānau me ngā ara kaupapa Māori ki te pūtake o ā rātau mahi.

He tangata ngākau māhaki koe, he tau ki te whakahaere kaupapa e aro ana ki te whakapiki i te mōhio ki te reo, ki ngā tikanga, ki ngā kōrero tuku iho mō te hononga o te Māori me te Karauna.

He tangata kakama ki te whai hononga ki ētahi atu, ka mutu, he mātau ki Te Ao Māori, ka kite koe I ngā whiringa hei whakaawe i te tangata ki te mahi me te whakahaere ki te ū ki tēnei ara.

He tūranga hirahira tēnei e whai wāhi nui ai koe i roto i te whakawhanaketanga o tētahi whakahaere ka kaha ki te hāpai i Te Tiriti e puta ai ngā hua e tika ana.

Mōu

• Matatau ana ki te reo Māori me ngā tikanga Māori, tau ana te tū i te ao Māori
• Mātau ana ki Te Tiriti o Waitanga me tana hāngai ki ngā tari o te rāngai tūmatanui
• Kua whai wheako ki te whakahaere wānanga e piki ai te mātau o ngā kaimahi o tētahi whakahaere ki ngā āheinga Māori, tae atu ana ki te whakarite rauemi.
• Ka taea e koe me ō pūkenga te whakaaweawe me te whiriwhiri mā roto mai i te whai i ngā anga kaupapa Māori hei hāpai i te āhua o te ārahi tangata – ko te whakahaere wānanga, ko te aroha, ko te mārama ki te horopaki, ko te hohou rongo, ko te whai kia whanake i ngā wā katoa, ko te whakamana, me te whakapuata i te āhua o ngā mahi.

Job Categories: Government / Local Government. Job Types: Full-Time. Salary: 100,000 and above.

406 total views, 3 today

Apply for this Job