14 Jun 2018

Full-Time He Pukenga matua / He Ahorangi Hapai i roto i te Matauranga Arareo

University of Waikato – Posted by University of WaikatoHamilton, Waikato, New Zealand

Uni_of_Waikato_logo_180x75

Job Description

Ki te Kura o Te Hononga Te Kura Toi Tangata

Ko Te Hononga te kura rahi i Te Kura Toi Tangata ā ko tētehi o ngā aronga matua ko te whakangungu tāngata hei kaiako me te whakawhanake kaiako ki ngā taumata Tohu Paerua, Tohu Kairangi i roto i ngā kura kōhungahunga, kura tuatahi, kura tuarua hoki.

E rapu ana mātou i te tangata hei Pūkenga matua, hei Ahorangi Hāpai rānei. He pūkenga āna ki te mahi rangahau, ki ngā marautanga, ki te whakaako me te ārahi i roto i ngā hōtaka Tohu Paetahi, Tohu Paerua hoki. He mātauranga, he māramatanga ki te reo, ōna tikanga me ngā mātauranga i roto i ngā kura tuatahi kia hāpaitia ngā hōtaka arareo o te Kura Toi Tangata.

He Tohu Kairangi, he Tohu Kaiako hoki āu. Kei taumata ikeike āu mahi rangahau, āu hōtaka rangahau ā he tūnga tangata whenua i roto i āu kaupapa rangahau. Kia whakaatu mai hoki āu angitūtanga ki te whakaako i ngā ākonga Tohu Paetahi, ki te kauwhau ki te marea, ki te whakaako akomanga, rōpū iti rānei. He tāpiringa hoki ki āu mahi ki ngā hōtaka Paetahi, Paerua hoki.

Ka taea e koe te whakaako i roto i ngā akoranga o te Kura Toi Tangata ā ko ngā hōtaka arareo te mahi matua. Ka whakaako hoki ki tētehi atu o ngā marautanga arā ko te Pāngarau, ko te Hangarau, ko te Mahi Toi, ā kua tau hoki ki ngā mahi ngaiotanga hei kaiako tae noa ki ngā hangarau matihiko. Me whakamōhio mai ōu marautanga me āu pūkenga ngaiotanga e hono ana ki tēnei tūnga. He pūkenga anō hoki āu kia tū hei kaiārahi ki ngā tuhingaroa i roto i te reo Māori, ki te taumata o te Tohu Kairangi, Tohu Paerua rānei.

Kei ngā taumata utu o te Pūkenga matua – NZ$91,710 ki $120,752, o te Ahorangi Hāpai NZ$122,280 to $135,018, rānei heoi anō mā te taumata o ōna Tohu me āna wheako te utu tika e whakatau.

Mehemea he pātai ngaiotanga āu, whakapā mai ki a Professor Claire McLachlan, Head of School, Te Hononga, School of Curriculum and Pedagogy on 07 837 9452 or email: claire.mclachlan@waikato.ac.nz

Ko te rā kati: 13 o Hōngongoi 2018 (Ko te wā o Aotearoa)

Ko te nama o te tūnga: 380214
Hei whakamārama atu me te pūnaha tono hoki whakapā atu ki www.jobs.waikato.ac.nz

How to Apply

Apply online: http://www.waikato.ac.nz/hrm/vacancies/current.shtml

Ko te rā kati: 13 o Hōngongoi 2018

Job Categories: Education / Training. Job Types: Full-Time. Salary: 80,000 - 100,000. Job expires in 26 days.

114 total views, 11 today

Apply for this Job